Üse Tag hed mitme gmüetliche Zmorge am HB in Züri gstarted. S isch bis Offeburg gmüetlich witergange und denn ächtli „turbulänt“ worde, well d’Strecki für d’Witerfahrt uf Frankfurt gsperrt worde isch (vo Kabelbrand bis Personeunfall hemmer alles ghört – wer weiss, was würkli s Problem gsi isch 🤷♀️). Mit 4 Stund Verspötig simmer in Frankfurt acho und diräkt an Flughafe. Zum Glück hemmer öppe 8 Stund Reserveziit igrächnet 😛
Jetzt döfemer no über 4 Stund am Flughafe z tot schlah, bis denn üses Flugi am 22:00 uf Windhoek flügt (mer hend gfunde, es lohnt sich jetzt nüme id Stadt zgah 😉 …).
